اسئله غبيه بس لازم تتسأل

في اسئله مالهاش اي لازمه في الدنيا
بنتعرض ليها كل يوم من كل الناس

خلـونـــا نشــوف أمثلة



أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه ياده انت هتنام ولا ايه

(( أظن ده مش وضع الرقص !!! واضح ان انا هنام))


أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير "
انتوا جيتــواااااااااااااااا

(( لا لسه في الطريق ))




والعكس : أنت لابس هدومك و متأنتك و على سنجه عشره وريحة البارفان
واصله لاخر
الشارع .. وخلاص بتفتح باب الشقه,, يجي حد من أهلك وينادي بصوت عالي
: انت
خااااارج ولا اييييييييييه

(( !!! لاء بجرب الباب ))



أو مثلا راكب العربيه ودورتها وخلاص هتطلع ... يجيلك لك البواب
ويخبطلك على
الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))



مثلا ماسك سماعه التلفون وقاعد تضغط الارقام يجي حد من أهلك ويقولك
انت هتتكلم
في التليفون ؟

(( لا بحلق دقني ,, أكيد بتكلم ))



مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك :هاه
قاعد تذاكر ؟
(( تقوم رامي الكتاب و تقوله لااااااااء ))




ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول
:هوه انت بتسبح
(( لاء هفرطها و أسلقها ))



ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))
.......

فيها ايه يا عم بيتطمنوا عليك

اه اصل انت منهم

هههههههههههههههههههههههههه لا موضوع جامد والله يااحمد
ناس فاضية فبتتكلم من غير تفكير

الله يخليكي بس بجد الناس دول كتروا اوي وعندك هشام اهوه اكبر مثل ليهم

يا عم احمد ربنا انهم بيعبروك
تلاقيهم اصلا في البيت عاملينك فازة كل اللي يعدي يبصلها ويمشي

يا عم يا ريت يعملوني فازه علي الاقل هاستريح من دوشتهم شويه

والله يا جابر جامد جدا وعلى فكره دى اقل حاجه عند جابر وعايزين المزيد يا كنج
عايزين راى البروف يا رب يعجبه

ايه ده هو خالد كتب كمنت؟